首先，我要對各位blog友講句唔好意思，明明上週話唔再講ECFriend交友網，但由於上個週末竟然有個女會員send email給我要求見面，所以今集我想講講是次經歷。
上星期六晚，我如常check ECFriend的交友回覆，發現有個女網友要求和我交換電話號碼。首先當然看看對方資料先，30歲，從事結婚佈置，個樣都算斯文。但是心理仍有所
猶豫，因我覺得香港女仔很少咁主動喎。心想對方會否是賣保險架。但最後還是換了，因我覺得用電話傾，聽咯不對路便收線囉，同理身為男人大方點吧！人吔女仔都咁主動。
到了第二天上午十時，她打來了。初初互相介紹一下自己，傾了一會，她便提出出來見面了，我覺得傾咯都ok呀，所以應承和她當天吃餐午飯了。
lesliewong610 發表在
痞客邦
留言(1)
人氣()
寫完上篇後，我本想完全放棄上香港交友網（ECFriend.com)的，點知竟然收到兩位女網友要求交換msn。仔細看看對方的資料，咦！對方條件都唔錯喎。第一位女網友叫S小姐（徦名），芳齡二十三歲，畢業於師範，現職音樂老師，並且（相中）樣子甜美。前天上午留在辦公室中工作，突然見到S小姐Msn online,當然即時Say Hi啦，並且自我介紹一番，但她好像對我完全無印象的。哈哈！大家可能奇怪佢對我無印象，點解要求add我。我當時都同大家有相同的疑問，所以我看看她在msn的基本資料，發現佢於兩星期內add了近三十個男網友。噢！原來佢正在漁翁散網，我變了其中一條魚仔。不過人吔上得交友網，其實都係想識多D人唧。
傾了大約一小時，S小姐突然問我月入多少，心理打了個突，然後心想：吓！同妳做朋友咋喎，乜同人工有關架？雖然心裏不是味兒，不過都如實答了她有兩萬元以上。點知佢即時態度轉變，十問九唔答，然後話忙後offline了，之後數天也再沒出現了。唔！看來她已把我的msn block了。哈！(苦笑）看來我的收入達不到港女要求了。
lesliewong610 發表在
痞客邦
留言(0)
人氣()
現在每人起碼有一個或多個Facebook 戶口，每天起碼花一小時以上看朋友近況或玩flash game，我當然也不例外了。但大家有否發現如果在自己的資料中選了＂單身＂，就時常看到一些交友或相睇廣告呢。
以往的我真的不肖一顧，但近來既然想脫離單身行列，所以便按入看看。偶然入了一個叫＂香港交友網（
ECFriend.com)"的網中，點解選這個？因多香港人會員吧！入了一輪資料後，成為免費會員，可看其他會員的照片了。唔！有部分女會員外貌都唔錯喎。即時留言要求交換msn。在一晚寫了大約二十個留言後，因不是即時知結果的，所以唯有等。
第二日起床後，即刻看看有沒有回覆。咦！都有四個女網友回覆了msn 號碼喎。成績算唔錯。當日返工上msn見到第一個online,即時打招呼，但等了十分鐘完全無反應。心想對方可能工作中不能回覆而已，所以無放在心上。下午食飯後再＂Hi!"多次，終於回覆了一句＂Hi, Hi!"，跟著想介紹一下自己，點知她又繼續無反應。看來可放棄此人了。
lesliewong610 發表在
痞客邦
留言(0)
人氣()
近年朋友經常用"港男"、＂宅男＂或＂草食男 ＂等來形容我，雖然每次都會辯駁一下，但每次到最後都要無奈承認，因本人的確有超過一半性格或條件付合以上形容詞。本人三十出頭，日間，我於一間美資公司任職工程師；夜間，放工後我就回家居多。其實並不是我性格太內向而不去約朋友，而是因為和我同輩或舊同學多已成家立室或已有伴侶，為免做電燈泡，所以平曰也不會太主動約朋友了。久而久之，本人每晚回家後只會健身或看電影打發時間。基本上，除了工作需要外，已極少認識新朋友了，更壞的是我於工程公司工作，異性同事更少，所以本人已有九年無女朋友了。
和大部份到了適婚年齡的人士相同，本人已慚慚受到父母的摧婚壓力了。噚日話回鄉相睇，今日又話三姨媽有女仔介紹。其實有時覺得自己咁大個人重要父母擔心，都想應承吓，希望令佢吔開心架。但想深一層，如果見了後覺得對方唔適合，但又俾對方知道曬聯略方法，下次想推都難。更糟係父母實日哦夜哦要我約人，唔..都係咪攪。可能睇到哩度為止，大家會覺得我咁細膽同內向，梗係識唔到女仔啦。但我相信大部份單身人士也不想經親人介紹的。無人想孤獨終老的，所以我決定選擇較適合自己的方法脫離單身。好了！今集到此為止，本人將於每星期更新本站。
lesliewong610 發表在
痞客邦
留言(0)
人氣()
